Organizatorët e Premier Ligës ishin pëgatitur për gjithçka në rast se në javën e fundit festa e titullit dp të ishte për Liverpoolin, por podiumi i fituesve dhe aksesorët e tjerë që ishin gati për t’u vendosur në fushën e “Anfield” shkuan për mbeturina.

Skuadra e drejtuare nga Jurgen Klopp e bëri detyrën e saj, por të njëjtën gjë bëri edhe Manchester City, madje me një fitore të thellë ndaj Brightonit.

Podiumi dhe trofetë u bënë gati në “Anfield” dhe në stadiumin AMEX në Brighton, por u përdorën vetëm në një impiant.

Trofeu i vërtetë u vendos në AMEX, ndërsa një kopje në “Anfield” nëse do të ndodhte surpriza.

Në sezonet e mëparshme, kur titulli është vendosur në raundin përfundimtar të ndeshjeve, një helikopter ka qenë në gatishmëri për të transportuar shpejt trofeun nga një stadium në tjetrin, por këtë herë u gjet një zgjidhje më praktike.

Liverpooli tani i kushton vëmendje finales së Ligës së Kampionëve përballë Tottenhamit në “Wanda Metropolitano”, në Madrid, më 1 qershor.